CXLVIII

1332. Nach dem 11. Mai.

Abt Dietrich von Kamenz verkauft in Folge eines vom Bischofe Nanker von Breslau erhaltenen, wörtlich eingeschalteten Auftrags d. d. Breslau, 11. Mai d. J., den Kretscham zu Würben.

In nomine domini amen. Noverint universi presentes litteras inspecturi et quibus nosse fuerit oportunum, quod nos frater Theodericus abbas in Camencz recepimus venerabilis patris domini Nanckeri dei gracia et apostolice sedis providencia episcopi Wrat. litteras non rasas, nec cancellatas, sed sanas et integras in hec verba: Nanckerus dei et sedis apostolice providencia episcopus Wrat. viro religioso fratri abbati de Camencz ordinis Cisterciensis salutem in domino. Exposuit nobis dominus Johannes plebanus de Wirbna, quod ipse attendens, considerans et cupiens condicionem sue ecclesie predicte efficere meliorem, thabernam ipsius ecclesie ibidem in Wirbna sitam vendere desiderat pro certa summa necunie et ab ipsa ecclesia sua alienare. Quare vestre discrecioni committimus, ut pensatis diligenter circumstanciis negocii huius thaberne et visa condicione ac utilitate ecclesie predicte meliori, venditionem memoratam, si transibit ad effectum, nostra auctoritate, quam vobis conferimus, per presentes approbetis, ratificetis et vestris litteris confirmetis. In cuius rei testimonium presentibus nostrum sigillum est appensum. Datum in Wratislavia quinto Ydus Maii anno domini M°.CCC°.XXXII°.
Huius igitur virtute commissionis attendentes incendia dotis ecclesie Wirbenensis, duam cum gravi dispendio reedificans, in tantam pervenit indigentiam, dominus Johannes plebanus dicte ville, quod thabernam ipsius ecclesie, quam totam ruinosam vidimus, non valet reparare; pensatis insuper diligenter circumstanciis et conditionibus thaberne, volentes utilitatem ecclesie meliorare, iure precario duximus ecclesie memorate succurrendum. Ea propter constitutus in presentia nostra dominus Johannes plebanus dicte ecclesie non per errorem, nec ex levitate animi, sed habito tractatu diligenti, de consilio et assensu nostro, iusto empcionis titulo et iure precario prefatam thabernam Conrado sculteto in Wirbna et filio suo Nicolao ac eorum heredibus universis pro viginti duabus marcis grossorum paratorum tradidit, vendidit et assignavit; hoc sane adiecto, quod possessores dicte thaberne annis singulis in festo beati Michahelis mediam marcam et in festo beati Walpurgis mediam marcam persolvant, ut tenentur, plebano ecclesie memorate et ab alia solucione ecclesie penitus absolventur preter quot subiecti erunt ecclesie in feno colligendo et aliis licitis et honestis, ut alii homines ecclesie inibi residentes, et in summis festivitatibus in recongnicionem dominii, plebano pro tempore existente, honorem debitum exhibebunt. Et ne in posterum dictus contractus possit per aliquem infirmari vel inpungnari, dictus dominus Johannes renunctiavit presentibus omni iuri, excepcioni, legi vel canoni, que, quod absit, suis successoribus possent suffragari. Nos igitur freti auctoritate premissi patris nostri, domini Nanckeri episcopi Wrat., et propria auctoritate, ut puta patroni, dictum contractum presentibus confirmamus. Acta sunt hec anno domini M°. CCC°. XXXII°.; presentibus: fratre Friderico, Nicolao plebano de Lypa, Heinrico apothecario in Swidenicz et aliis fide dignis. In cuius rei testimonium sigillum nostrum presentibus est appensum.

Or. Perg. Urk. Grüssau 66 im Staatsarchive. An Fäden von gedrehter gelber Seide hängt das schlecht erhaltene Abtsiegel in grünem Wachs. Frömrich S. 67 nennt den Abt Dietrich (Theoderich) fälschlich Theodor, denn die Form Theodorus kommt niemals urkundlich vor.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.